Месец: м.г

Вести

Победничката серија продолжи и против ЗРК Голден Арт

ЗРК ГОЛДЕН АРТ АЕРОДРОМ – РК МУЛТИ ЕСЕНС   22-27 (15-12)
Сала: „Јане Сандански“. Судии: Иво Георгиевски и Игор Наумовски. Делегат: Цане Куртовиќ
ЗРК ГОЛДЕН АРТ АЕРОДРОМ: Спасовски, Стојменов 1, Глигоров, Пасковски, Стаменковиќ 2, Стефков 2, Стојаноски 2, Трајков, Ангелески, М. Пасковски, Петрески, Божиновски 3, Џигероски 11, Сиљанов 1, Лешникоски, Ашталкоски
Седмерци: 6/8 Исклучувања: 8 мин.


РК МУЛТИ ЕСЕНС: Штаковски, Димевски 1, Грујевски, Д. Узунчев 10, Тричковски 1, Омерагиќ 3, Велков, Ерманоски, Т. Узунчев, Јорданов 8, Карасманакис, Ниновски, Косотовски 2, Георгиевски 2, Иванов, Продановски
Седмерци: 7/8 Исклучувања: 18 мин. 

РК Мулти Есенс ја продолжи својата победничка прволигашка низа која во плејоф-разигрувањето сега е 11 победи од 11 одиграни натпревари. 
Во третото плејоф коло, на гостински терен кај екипата на ЗРК Голден Арт, нашиот тим запиша победа од 27-22 и ја задржа дистанцата пред ривалите во трката за пласман во Суперлигата. 

Дуелот со ЗРК Голден Арт беше интересен и резултатски неизвесен во поголемиот дел. Двата тима имаа свои моменти во првиот дел. РК Мулти Есенс водеше во првиот дел од полувремето (4-3, 6-4, 8-7), но домашниот тим успеа да направи пресврт и да поведе 10-8, а на полувреме имаше и три гола предност (15-12).

Во второто полувреме, предводен од Димитар Узунчев и Олег Јорданов, РК Мулти Есенс со серија од 5-0, стигна до водство од 21-18 и од тој момент комплетно ја презема контролата врз натпреварот. Поведовме и со 26-20, за конечно, средбата да заврши со победа од 27-22. Димитар Узунчев натпреварот го заврши со 10 гола, а Олег Јорданов постигна осум. 
РК Мулти Есенс со максимални 33 бода е на првото место на табелата. 

Вести

Сензационална победа на РК Алкалоид!

РК АЛКАЛОИД – РК ВАРДАР 1961 22-21 (13-10)
Сала: „Автокоманда“ во Скопје. Судии: Ѓорѓи Начевски и Славе Николов. Делегат: Ацо Николовски
РК АЛКАЛОИД: Трајковски, Петров 2, Маркоски, Младеновиќ 3, Серафимов 7, Илиески 3, Стојковиќ, М. Митев, Ѓоргиев 2, Галевски, Иваноски, Симоноски, Омерагиќ, Кофилоски 3, Петковски 1, Савревски
Седмерци: 5/5 Исклучувања: 8 мин.

РК ВАРДАР 1961: Томовски, Манасков 3, Јагуриноски, Стоилов 3, Аларов, Моралес 2, Георгиевски 3, Карапалески 1, Чувара, Лазаревски, Талески 4, Дутра 1, Маркоски, Ќосевски, Ристовски, Мишевски
Седмерци: 5/5 Исклучувања: 8 мин.

РК Алкалоид приреди вистинска сензација вечерва со победата во дербито на колото над актуелниот првак Вардар 1961 со резултат 22-21.
Нашиот тим вечерва одигра одличен натпревар и го контролираше резултатот од почетокот на натпреварот. Михајло Младеновиќ во првата фаза одигра одлично, а голманот Благојче Трајкоски уште од почетокот покажа дека е исклучително расположен за игра и дека ќе биде силно оружје и поддршка на одбраната.

РК Алкалоид поведе со 5-2, 8-4 а при резултат 11-5 во дваесеттата минути веќе втор пат го принуди тренерот на гостинската екипа да бара тајм аут. Во 25 минута, РК Алкалоид водеше со максимални седум гола разлика (13-6). Во продолжението на натпреварот, поискусниот гостински состав успеа да влезе во ритам и до полувремето постигна четири гола, а на одмор се замина со резултат (13-10).


Во второто полувреме, во првите десет минути РК Алкалоид одржуваше предност од два до три гола разлика, но во 41 минута, гостите за прв пат на средбата успеаја да израмнат (15-15). Одговорот на нашиот тим беше три гола во серија и ново водство од 18-15.
Натпреварот влезе во завршната фаза, а гостинскиот состав во 56 минута успеа да стигне и до водство 21-20. Тоа беше првото и единственото водство за Вардар, РК Алкалоид постигна уште два гола до крајот на мечот и успеа да го одбрани својот гол за голема победа од 22-21.

Благојче Трајкоски имаше 15 успешни интервенции, а на листата на стрелци најдобро котираше Мартин Серафимов со седум гола. По три погодока запишаа Божидар Илиески, Михајло Младеновиќ и Дарио Кофилоски.