РК БУТЕЛ СКОПЈЕ – РК АЛКАЛОИД 20-23 (12-12)
Сала: „Антон Димитров“ во Скопје. Гледачи: 200. Судии: Исмаил Металари и Ненад Николовски. Контролор: Драган Начевски.

РК БУТЕЛ СКОПЈЕ: Блажески, Субашевски 3, Андревски, Пејковски 1, Стојановски 1, Ѓеоргиевски 2, Николов 9, Крстевски, Иваниќ, Стојаноски, Спасовски 2, Каевски, Јефтиќ 2, Василевски, Михајловиќ, Давитковски
Седмерци: 4/4. Исклучувања: 12 мин.

РК АЛКАЛОИД: Трајкоски 1, Џонов, Петров, Маркоски, Младеновиќ, Серафимов 5, Карасманакис 1, М. Митев 5, Ѓоргиев, Галевски, Велковски 4, Бинго 2, Кофилоски, Д. Митев 2, Савревски, Димовски 3.
Седмерци: 2/3. Исклучувања: 8 м.

Двете екипи беа изедначени во поголемиот дел во првото полувреме во кое се водеше голема битка на теренот. Повисоките водства беа во два наврати кога РК Алкалоид имаше плус од два гола, беше 4-6 и 6-8, меѓутоа РК Бутел Скопје влезе во серија и со четири гола во низа го сврти дуелот во своја корист (10-8). До паузата, нашиот тим се врати и израмни на 12-12.

Се играше гол за гол на стартот на вториот дел, а предноста од два гола ја вративме кога беше 14-16, па 15-17 на семафорот во Бутел. Во овие моменти, во периодот од 39. до 47. минута, Мартин Велковски постигна четири гола. Бутел имаше проблем во играта, затоа што црвен картон доби најдобриот стрелец Филип Николов.

На десет минути пред крајот нашата екипа имаше највисока дотогаш позитива од три гола (16-19), а откако противникот се обиде да се врати со груба игра и тактика „седум на шест“ и не успеа да ја пробие нашата зона, следеа три гола на Мартин Серафимов, за 18-22, предност која се задржа до финишот. Солиден на голот во клучните моменти беше и Благојче Трајкоски.

Во следната рунда од плејофот во Суперлигата, РК Алкалоид игра на домашен терен со Еурофарм Пелистер.

РК МУЛТИ ЕСЕНС – РК СКОПЈЕ 2020 32-20 (12-12)
Сала: „Автокоманда“ во Скопје. Гледачи: 100. Судии: Спаско Ќаев и Глигор Ќаев Делегат: Ацо Николовски

РК МУЛТИ ЕСЕНС: Ерманоски, Димевски 11, Костовски 3, Илиески 5, Насевски 1, Д. Узунчев 6, Петрески 1, Трајчев, Цветковски, Иваноски 3, Трајковски, Тодески, Т. Узунчев, 1 Јорданов, Стојчевиќ 1.
Седмерци: 2/2. Исклучувања: 12м.

РК СКОПЈЕ 2020: Стојкоски, Грујевски, Чакалиќ 2, Тркалевски 1, Јакимовски 1, Шокоски 7, Стојкоски, Фичорски 3, Пешкирски, Стојановски 2, Ристески 1, Павлов 2, Рангелов, Божиновски 1.
Седмерци: 1/2. Исклучувања: 6м.

Натпреварот во „Автокоманда“ во првиот дел мина во знакот на изедначеноста. Дури девет пати резултатот беше изедначен, а во два наврати нашиот тим имаше плус од два гола. Беше 5-3, 10-8, па 11-9, но до финишот на првиот дел гостите на РК Скопје 2020 успеаја да дојдат до 12-12. Одличен во првиот дел беше голманот Ѓорѓи Ерманоски кој фати осум топки.

На стартот на вториот дел Стефан Стојчевиќ доби црвен картон поради трето исклучување, но нашиот тим фати ритам. Од 13-14, ракометарите на Мулти Есенс дадоа пет гола во низа, за високи 18-14. Одлична беше одбраната, се украдоа три топки и три од петте гола беа дадени по пресечени топки. Скопје во понатамошниот дел од мечот продолжи да греши, нашиот тим го казни тоа, за комплетирање на серијата 12-1 во 48. минута и 25-15.

До крајот на натпреварот немаше дилеми кој ќе биде победникот на овој дуел во рамки на плеј-аутот од Суперлигата, а нашиот тренер Миле Бочкаровски им даде шанса на сите ракометари да влезат во игра. За РК Мулти Есенс ова беше четврта победа во вториот дел од сезоната. Во следната рунда нашиот тим гостува кај МРК Куманово.

РК АЛКАЛОИД – РК БУТЕЛ СКОПЈЕ 23-20 (9-11)
Сала: „Автокоманда“ во Скопје. Гледачи: 250. Судии: Димитар Митревски и Благојче Тодоровски. Делегат: Игор Огненов

РК АЛКАЛОИД: Галевски, Трајкоски, Џонов, Петров, Маркоски, Младеновиќ 3, Серафимов 9, Карасманакис, М. Митев 3, Ѓорѓиев, Велковски 2, Бинго 3, Кофиловски, Д. Митев 1, Савревски, Димовски 2.
Седмерци: 8/9 . Исклучувања: 12 мин.

РК БУТЕЛ СКОПЈЕ: Субашевски 5, Андревски, Пејковски, Стојановски, Ѓеоргиевски 6, Крстевски, Иваниќ 2, Стојаноски, Спасовски 2, Каевски, Блажевски, Јефтиќ, Василевски 1, Михајловиќ 3, Цветковски, Давитковски 1.
Седмерци: 5/6. Исклучувања: 10 мин.

РК Алкалоид заврши како победник во Групата 2 и се пласира на завршницата во Купот на Македонија. Нашиот тим во финалето беше подобар од РК Бутел Скопје, кого го совлада со 23-20.

Нашиот тим до посакуваната победа пред домашната публика дојде во второто полувреме. Првиот дел тргна во знакот на противникот кој даде четири гола во серија и замина на 1-5. Благодарение на голманот Благојче Трајкоски кој блескаше на голот и фати седум топки, нашиот тим се врати во мечот и израмни на 7-7, но две грешки во последните десет минути ни донесоа два гола негатива на паузата (9-11).

Повторно Трајковски имаше свој момент на стартот на вториот дел, а преку Бинго се израмни на 11-11. Се играше гол за гол се до 16-16, кога нападот на Бутел влезе во криза, а на спротивната страна Мартин Серафимов врза три гола во серија и потоа со уште еден гол на Бинго се замина на 20-16 на десет минути пред крајот. Таа разлика на крајот се покажа како доволна да се осигура победата во „Автокоманда“.

Завршницата од Купот на Македонија ќе се игра во месец мај. Покрај нашиот РК Алкалоид, на Ф4-турнирот се пласирани уште РК Еурофарм Пелистер, РК Вардар 1961 и ГРК Тиквеш.

РК АЛКАЛОИД – РК ВАРДАР НЕГОТИНО 48-28 (23-14)
Сала: „Автокоманда“ во Скопје. Гледачи: 250. Судии: Исмаил Металари и Ненад Николовски. Делегат: Душко Камишевски

РК АЛКАЛОИД: Василевски, Галевски 1, Трајкоски, Џонов 4, Петров 3, Младеновиќ 1, Серафимов 2, Карасманакис 4, М. Митев, Ѓоргиев 3, Велковски 2, Бинго 8, Кофиловски 4, Д. Митев 8, Савревски 2, Димовски 6.
Седмерци: 4/5. Исклучувања: 8 мин.

РК ВАРДАР НЕГОТИНО: Кузманов 3, Орешков 3, Ацев, Бугариновиќ 1, Митевски 2, Мицев, Ѓорѓев 1, Петров 2, Адамовиќ 13, Митиќ 1, Пеовски 2, Трајанов
Седмерци: 4/4. Исклучувања: 12 мин.

РК Алкалоид го одбрани домашниот терен. Во полуфиналето од Групата 2 во Купот на Македонија нашиот тим беше сигрен против РК Вардар Неготино (48-28) и за место на Ф4-турнирот ќе игра против РК Бутел Скопје.

Избраниците на Кирил Лазаров доминираа од првата до последната секунда и заслужено запишаа победа пред нашата публика. Со добри контранапади и поддршка од голманот Иван Галевски, Алкалоид уште од почетокот се одлепи на 10-4, потоа беше и 16-10, разлика која до полувремето порасна и на девет гола (23-14).

Во второто полувреме шанса добија сите ракометари во ростерот, но победата во ниту еден наврат не беше доведена под знак прашалник. Разликата на контото на РК Алкалоид само растеше, за на крајот победата да изнесува дваесет голови разлика (48-28).

Финалниот натпревар меѓу РК Алкалоид и РК Вардар Неготино се игра утре (недела) од 18:00 часот во Спортската сала „Автокоманда“.

РК МУЛТИ ЕСЕНС – ГРК ТИКВЕШ 28-32 (14-16)
Сала: „Јасмин“ во Кавадарци. Гледачи: 150. Судии: Михајло Илиевски и Методија Илиевски. Делегат: Васил Чавдаров

РК МУЛТИ ЕСЕНС: Ермоноски, Димевски 2, Костовски 7, Мирчевски, Илиески 1, Насевски 2, Д. Узунчев 3, Петрески 4, Трајчев 1, Каракалашев, Тарчуловски 1, Трајковски, Иваноски, Тодески 2, Т. Узунчев 3, Јорданов 2.
Седмерци: 2/4. Исклучувања: 6 мин.

ГРК ТИКВЕШ: Гемаљевиќ, Анастасовски 4, Мијатовиќ 4, Темелкоски 1, Велков, Соколов, Бакев, Стефановиќ 5, Гачевиќ 2, Лазов, Манасков 5, Окардов 1, Шулески, Коцев 4, Мајиќ 5, Даневски 1.
Седмерци: 2/2. Исклучувања: 8 мин.

Нашиот РК Мулти Есенс не успеа да се пласира на Ф4-турнирот од Купот на Македонија. Тимот во финалето од Групата 1 играше со домаќинот ГРК Тиквеш и во салата „Јасмин“ не дојде до резултат доволен за завршницата (28-32).

Имаше нашиот млад тим одлично прво полувреме во кое во целост му парираше на ривалот, меѓутоа во вториот дел далеку поискусниот противник ја запиша победата на натпреварот пред својата публика. Иако губеше со 3-7, Мулти Есенс не се предаде. Влезе во серија, израмни на 8-8, потоа поведе и со 11-10, па мечот беше егал се до 12-12.

Пред финишот на првиот дел ГРК Тиквеш влезе во серија од три гола, поради тоа на паузата имаше 14-16. Во второто полувреме кавадарчани го држеа темпото на игра, а РК Мулти Есенс иако бркаше резултат, не успеа пак да се врати во мечот како што тоа претходно го направи во првото полувреме.

РК ПРИЛЕП – РК МУЛТИ ЕСЕНС 23-27 (13-15)
Сала: „Јасмин“ во Кавадарци. Гледачи: 50. Судии: Мирко Трајковски и Александар Вукашиновски. Делегат: Камер Металари

РК ПРИЛЕП: Кастратовиќ, Рајатовски, Бикоски 6, Ангелески 1, Велески, Органџиев, Бурчески 1, Лозаноски 1, Цветаноски 2, Шабановиќ, Имнадзе 1, Квастек, Трајкоски 6, Трајчевски, Ангелески, Андраде 3.
Седмерци: 2/3. Исклучувања: 12 мин.

РК МУЛТИ ЕСЕНС: Ермоноски, Димевски, Костовски 2, Мирчевски, Илиески 2, Насевски, Д. Узунчев 3, Петрески 2, Трајчев, Каракалашев, Тарчуловски 2, Трајковски, Иваноски 4, Тодески 3, Т. Узунчев, Јорданов 9.
Седмерци: 2/5. Исклучувања: 4 мин.

Екипата на РК Мулти Есенс успеа да слави над РК Прилеп (23-27) во натпревар кој се одигра во салата „Јасмин“ во Кавадарци и така се пласира во финалето од Групата 1 од Купот на Македонија. Нашиот тим за место на Ф4-турнирот ќе игра со ГРК Тиквеш кој претходно ја совлада екипата на РК Еурофарм Пелистер 2.

Екипата предводена од тренерот Миле Бочкаровски наметна свое темпо уште од почетокот. Резултатот првпат се скрши кога Иваноски стрелаше во нападот, Ермоноски фати две топки меѓу стативите и така РК Мулти Есенс замина на 4-7. Добрата длабока одбрана функционираше и во продолжението од средбата, го принудуваше противникот на грешки, меѓутоа на влезот во последните десет минути од првиот дел следеа два нереализирани пенали и напади, па така РК Прилеп дојде на 11-12.

Сепак, поради невнимателна игра противникот доби две исклучувања, па нашиот тим ја искористи бројчаната предност и замина на 13-15 на паузата. Со два гола во низа на отворањето на вториот дел, РК Мулти Есенс ја врати дотогаш највисоката позитива од четири гола (13-17) и во продолжението од мечот константно ја одржуваше, не дозволувајќи му на ривалот сериозно да се приближи во ниту еден момент.