Вести
РК Мулти Есенс триумфираше на дербито во Богданци
РК МЛАДОСТ 1977 – РК МУЛТИ ЕСЕНС 27:31 (15:15)
Сала: „Млаз“ во Богданци. Судии: Сашо Јанкулоски и Мартин Јовановски. Делегат: Саше Јанкулоски
РК Младост 1977: Панов, Пеев, Атанасов 3, Каровски, Наумовски 1, Прчев 2, Ѓуриќ 3, Николоски 5, Паунков, Роглев 2, Гогов 2, Чрчев 4, Демерџиев, Каркалашев 4
Седмерци: 1/2 Исклучувања: 4 мин.
РК Мулти Есенс: Ермоноски, Штаковски, Димовски 5, Димитриевски, Д. Узунчев 11, Омерагиќ 2, Алексовски, Велков 2, Т. Узунчев 3, Карасманакис 2, Ниновски 2, Костовски 2, Трајчев, Иванов 1, Тричковски 1, Младеновски
Седмерци: 3/5 Исклучувања: 6 мин.
![](https://www.rkalkaloid.mk/wp-content/uploads/2022/10/RK-Multi-Esens-RK-Kicevo-23.10.2022-8463-min-1024x683.jpg)
На одложениот натпревар од 14. коло, прв во продолжението на сезоната, РК Мулти Есенс забележа важна победа на гостувањето кај второпласираниот тим на табелата, РК Младост 1977.
РК Мулти Есенс славеше со 31:27 (15:15) во Богданци и ја зголеми бодовната разлика во однос на вториот на табелата на девет бода.
Натпреварот во Богданци го оправда епитетот дерби. Во најголем дел средбата беше резултатски израмнета, а двете екипи беа на ниво на задачата. Нашиот тим го контролираше резултатот од почетокот и имаше водство од два до три гола (5:3, 10:7), но во финишот на првото полувреме домашниот состав успеа да израмни и на полувреме се замина со резултат 15:15.
Во второто полувреме, РК Мулти Есенс одново ја презема контролата и поведе со два гола разлика (18:16, 20:18), а потоа со цврста игра во одбрана не дозволи РК Младост да се доближи. Напротив, одбраната овозможи и голови од контра напад, па разликата се зголеми на 26:23, 29:24, 30:25, за конечно, средбата да заврши со победа на РК Мулти Есенс од 31:27.
Овој натпревар е увертира за продолжението на сезоната во која РК Мулти Есенс има остварено 12 победи од 12 одиграни натпревари и веќе има обезбедено место во плејоф разигрувањето од каде што ќе се добијат и патниците во Суперлигата.