РК Алкалоид во вторник со дуелот со шпанскиот тим Логроњо Ла Риоха ќе ја заокружи својата прва сезона на европската сцена во која ја претставуваше Македонија во групната фаза на ЕХФ Европската лига.

Дуелот со шпанскиот тим ќе биде шестиот меч за РК Алкалоид сезонава. Освоивме еден бод, на гостински терен и тоа токму против противникот со кој во вторник одново ќе ги одмериме силите.
БМ Логроњо Ла Риоха е сериозна екипа која со години по ред ја претставува Шпанија на европската сцена. Земја која е една од најсилните во Европа и редовен освојувач на медали на големата сцена.
Оваа екипа ја подигна својата форма од нашата последна пресметка и од тој момент има запишано пет победи од кои четири се во шпанскиот шампионат и еден гостински над РК Војводина во Нови Сад. Двата пораза им се на домашен терен од РК Војводина и во последното коло, минимален пораз од Бјерингбро Силкеборг.
Овие резултати покажуваат не само дека ја подобриле својата форма, туку и дека подобро играат на гостински терен што ги прави дополнително опасни за следниот натпревар.

РК Алкалоид својот најдобар натпревар го одигра против Ла Риоха, го освои и првиот европски бод, но екипата е мотивирана и посакува и прва победа на европската сцена за крај на дебитантската сезона во ЕХФ Европската лига.

ПРОГРАМА ЗА НАТПРЕВАРОТ РК АЛКАЛОИД – БМ ЛОГРОЊО ЛА РИОХА

Натпреварот ќе се игра во вторник во салата „Јане Сандански“ во Скопје со почеток од 18:45 часот. Судиската двојка Јакуб Јерлецки и Мацеј Лабун доаѓа од Полска, а делегатќе биде Владимир Јовиќ од БиХ.
Билети за натпреварот, по цена од 100 и 150 денари ќе можат да се набават преку продажната мрежа на МК Тикетс.

РК Алкалоид – РК Логроњо Ла Риоха – MKTickets : MKTickets

РК МУЛТИ ЕСЕНС – РК ВАРДАР 1961 23-40 (11-20)
Сала: „Јане Сандански“ во Скопје. Судии: Иво Георгиевски и Игор Наумовски. Контролор: Камер Металари
РК МУЛТИ ЕСЕНС: Ерманоски, Димевски 5, Костовски 1, Илиески, Т. Узунчев, Петрески, Трајчев, Трајковски, Василевски, Тодески, Д. Узунчев 3, Димовски, Јорданов 6, Карасманакис 8
Седмерци: 1/3 Исклучувања: 4 мин.
РК ВАРДАР 1961: Томовски, Јагуриновски 6, Аларов 1, Георгиевски 3, Карапалески 4, Ансер 2, Лазаревски 7, Срдановиќ 4, Николиќ 5, Петриќ 3, Ѓукиќ 2, Атанасовски, Стојановски 1, Ќосевски, Мишевски 2, Гогов
Седмерци: 3/3 Исклучувања: 4 мин.

Во возвратниот меч со разменети домаќинства, РК Мулти Есенс вечерва во улога на „домаќин“ беше во салата „Јане Сандански“ на натпреварот со екипата на РК Вардар.
Вардар 1961 беше голем фаворит пред натпреварот и ја оправда улогата и на теренот па ги освои трите бода со победа од 40-23.

РК Мулти Есенс брзо влезе во позиција да брка негатива на оваа средба откако противникот поведе со 4-1, 6-2. Следеше период на порамноправна игра, но разликата иако побавно, постојано се зголемуваше и на крајот на првиот дел резултатот беше 11-20.
Во второто полувреме се играше со сличен ритам до конечниот резултат од 40-23.
Валентин Карасманакис со осум и Олег Јорданов со шест погодоци беа најефикасните играчи во нашиот тим вечерва.

РК АЛКАЛОИД – МРК КУМАНОВО 29-12 (14-9)
Сала: „Автокоманда“ во Скопје. Судии: Виктор Начевски и Даниело Божиновски. Контролор: Драган Начевски
РК АЛКАЛОИД: Ромеро, Галевски, Гарбески 6, Младеновиќ 4, Стојчевиќ, Стојковиќ 1, Ѓоргиев 1, Велковски 1, Омерагиќ 5, Кофилоски 1, М. Митев 1, Д, Митев 3, Савревски 6
Седмерци: 1/1 Исклучувања: 10 мин.
МРК КУМАНОВО: Димитријевски, Кимевски, Димитров, Стојановски, Даневски 3, Д. Цветковски 1, Бошковски, Тасевски 3, Б. Цветковски, Миладиновски, Богдановски, Илиевски, Симоноски 1, Уча 4, Михајловски
Седмерци: 1/1 Исклучувања: 6 мин.

РК Алкалоид вечерва го совлада тимот на МРК Куманово и ја запиша својата победа број 13 од исто толку одиграни натпревари во Суперлигата.
На денешната средба тренерот Кирил Лазаров ги одмораше Трајкоски, Серафимов, Маркоски и Џонов, а за првиот тим дебитираше кадетот Максим Гарбески. Тој беше и најефикасниот играч на натпреварот со шест постигнати гола, колку што имаше и Давид Савревски.

Резултатски натпреварот беше решен уште во првата фаза, во која РК Алкалоид поведе со 9-1. На полувреме беше 14-9, а во вториот дел нашиот тим играше одлична одбрана и прими само три гола до крајот на натпреварот.
Конечниот резултат е 29-12, а следниот предизвик на нашиот тим е екипата на Логроњо Ла Риоха во рамките на ЕХФ Европската лига. Таа средба ќе се игра во вторник со почеток од 18:45 часот во салата „Јане Сандански“.

РК ПРИЛЕП – РК МУЛТИ ЕСЕНС 34-31 (16-19)
Сала: „Р.Р. Ричко“ во Прилеп. Судии: Благојче Тодоровски и Димитар Митревски. Делегат: Илија Цветкоски
РК ПРИЛЕП: Ацевски, Кастратовиќ 7, Рајатовски 7, Бикоски 4, Ангелески, Велески 1, Бурчески 1, Цветаноски 4, Шабановиќ 6, Трајкоски, Трајчевски, Квастек 4
Седмерци: 2/3 Исклучувања: 8 мин,
РК МУЛТИ ЕСЕНС: Ерманоски, Димевски 8, Костовски 1, Илиески 7, Д. Узунчев 1, Трајчев, Василевски, Тодески, Т. Узунчев, Димовски 7, Јорданов 3, Карасманакис 4
Седмерци: 6/6 Исклучувања: 10 мин.

РК Мулти Есенс одигра меч во Прилеп што ги имаше сите елементи на дерби. Бодовите останаа за домашниот состав кој запиша победа од 34-31, иако нашиот тим имаше реална шанса резултатски да помине подобро.
РК Мулти Есен водеше со три гола разлика на полувреме, на пет минути до крајот беше нерешено, но невнимание во одбраната, две грешки во реализацијата во периодот кога се кршеше резултатот го однесоа натпреварот во поинаков правец.

Нашиот тим во првиот дел имаше контрола и водеше со три гола разлика, а на одмор се замина со резултат 19-16. Но, предолг беше периодот без постигнат гол во второто полувреме, а домашните успеаја да направат серија и да поведат со 24-21. Во последните 10 минути, нашиот тим успеа да израмни (26-26), потоа уште во неколку наврати израмнуваше пред средбата да добие тек што им одговараше на домашните.

РК СТРУГА – РК АЛКАЛОИД 17-29 (8-15)
Сала: „Автокоманда“ во Скопје. Судии: Рубин Седлоски и Горан Ангелески. Контролор: Драган Начевски
РК СТРУГА: Тутенкоски, Мулиќ 2, Савески 1, Младеновски 3, Ѓорѓиески, Кленкоски, Симоноски 1, Матески, Велјаноски 1, Ф. Мечкароски 1, Костоски, Маркоски 3, Бошњак 5, С. Мечкароски, Гускароски, Рикановиќ
Седмерци: 4/5 Исклучувања: 6 мин.

РК АЛКАЛОИД: Трајкоски, Галевски, Џонов 4, Младеновиќ 4, Серафимов 3, Стојчевиќ 3, Стојковиќ 2, Ѓоргиев 2, Велковски, Омерагиќ, Бинго, Кофилоски 1, Д. Митев 3, Савревски 4
Седмерци: 0/1 Исклучувања: 8 мин.

РК Алкалоид вечерва ја оправда фаворитската улога и ја совлада екипата на Струга во првенствениот меч од Суперлигата.
Ова беше 12 победа од 12 одиграни натпревари во оваа фаза од шампионатот. До крајот, остануваат само уште две кола, по што екипите ќе бидат поделени во Плејоф и Плејаут шампионатите.

Денеска покрај повредениот Александар Петковски, беше поштеден и Марко Митев кој е сѐ уште ровит. Екипата на Струга беше рамноправен противник во првиот дел од полувремето, но РК Алкалоид влезе во подобар ритам, направи серија од 5-0 и водството од 9-7 го претвори во решавачка предност од седум гола (14-7).

На крајот на првиот дел резултатот беше 15-8, а немаше поголеми резултатски промени и во второто полувреме. Во овој дел од мечот, РК Алкалоид поведе со 20-11, малку подоцна имаше и за прв пат двоцифрена предност (24-14). До крајот на натпреварот, нашиот тим рутински ја одржуваше дистанцата и ги запиша планираните три бода.

Следниот предизвик на нашиот тим ќе биде европски. Во вторник, во рамките на петтото коло од EHF Европската лига, РК Алкалоид ќе му гостува на тимот на РК Војводина.

Се ближи и крајот на првата европска сезона на РК Алкалоид во која нашиот клуб е македонскиот претставник во групната фаза на EHF Европската лига.
Пред РК Алкалоид има само уште два европски предизвика. Во вторник во Нови Сад, нашиот тим ќе се сретне со екипата на РК Војводина, а седум дена подоцна на затворањето на групната фаза и воопшто на есенскиот дел од европската клупска сезона, во Скопје ќе играме против шпанскиот тим Логроњо Ла Риоха.

Последното европско гостување на РК Алкалоид е во Србија. Нови Сад и нивната позната „Слана бара“ ќе го пречекаат нашиот тим.
Улогата на фаворит, но и резултатскиот притисок се на страната на домашниот клуб. Војводина мора да освои минимум бод од дуелот со РК Алкалоид за да го верификува пласманот во групната фаза. Во спротивно, разврската ќе биде префрлена во последното коло.

Нашиот тим, пак, нема резултатски притисок, освен тој што го носи реномето на клубот и желбата да се направи подобра промоција пред новосадската и генерално пред целата ракометна публика. Тоа е убав предуслов да се одигра послободно и да се остави посилен впечаток. Секој евентуален резултатски успех било тоа да е освоен бод или победа, ќе биде голем плус за зголемување на самодовербата и уште еден елемент плус вграден во системот што трпеливо и макотрпно се гради во „Автокоманда“.

Натпреварот ќе се игра во вторник со почеток од 18:45 часот, а директно ќе биде пренесуван на МТВ-3 и на ТВ Арена Спорт.