Автор: Gjamovski

Вести

РК Алкалоид на мини турнеја во Хрватска

РК Алкалоид ја почнува последната фаза од подготовките пред претстојната сезона во македонската Суперлига и во Европската лига на EHF.
Нашиот тим е во Хрватска, каде што ќе одигра четири контролни натпревари.
Во четврток (24.8.2023) на првиот натпревар, во Нашице ќе играме со екипата на РК Нексе.
Во сабота (26.8.2023) ќе играме против РК ППД Загреб во Загреб, во недела (27.8.2023) ќе играме против екипата на РК Сесвете, а во вторник (29.8.2023) ќе гостуваме во Словенија, каде што е предвиден меч со екипата на РК Добова.

Вести

Второ место за РК Алкалоид на турнирот во Струга

РК АЛКАЛОИД – РК ВАРДАР 1961 20-25 (11-12)
Струга. Судии: Димитар Митревски и Благојче Тодоровски. Делегат: Душко Камишевски
РК Алкалоид: Ромеро (8 одб), Трајковски (4 одб), Џонов 1, Маркоски 1, Стојков 1, Младеновиќ 1, Серафимов 8, Стојчевиќ, Стојковиќ 2, Митев 2, Ѓоргиев 3, Велковски, Омерагиќ, Бинго, Кофилоски, Савревски 1

РК Вардар 1961: Томовски (12 одб), Јагуриноски 1, Аларов, Георгиевски 1, Карапалески, Ансер, Лазаревски 2, Срдановиќ 14, Николиќ 1, Петриќ 2, Ѓукиќ, Алонсо, Мело, Мишевски, Гогов, Јашухира 4

РК Алкалоид го освои второто место на Меѓународниот турнир во Струга, на кој учествува по втор пат. Во финалето кое се играше и на отвореното игралиште и од каде поради дожд се премести во сала, нашиот тим се сретна со екипата на РК Вардар 1961.
Натпреварот беше израмнет во целиот тек и ниту една екипа не успеа да направи водство поголемо од два гола разлика, сѐ до последните две минути.
РК Алкалоид го диктираше резултатот во воведните минути, но противникот успеа да направи мини серија и да поведе со 7-5 пред мечот да биде прекинат.
По повеќе од половина час прекин средбата продолжи во сала, а на полувреме резултатот беше 11-12.


Нашиот тим подобро отвори и во вториот дел и премина во водство 13-12. Потоа се играше израмнето, гол за гол, а во самиот финиш, при негатива од 20-21 не реализиравме чисти ситуации и како епилог на тоа мечот заврши со резултат 20-25.

Натпреварите на турнирот во Струга беа први контролни натпревари за нашиот тим во подготовките. Продолжуваме со тест средби што овој пат ќе ги играме во Хрватска, против најдобрите хрватски екипи.

Вести

РК Алкалоид ќе игра во финалето на турнирот „Струга 2023“

РК АЛКАЛОИД – АЕК 26:23 (13:15)
Игралиште „Горан Попоски Бабец“ во Струга. Судии: Димитар Митревски и Благојче Тодоровски. Делегат: Славчо Каланоски
РК АЛКАЛОИД: Ромеро (7 одб), Трајковски (4 одб), Џонов 1, Маркоски 2, Стојков 2, Младеновиќ 3, Серафимов 5, Стојчевиќ, М. Митев 4, Ѓоргиев 1, Велковски 3, Симоноски, Омерагиќ, Бинго 4, Кофилоски, Савревски

РК Алкалоид ја запиша и втората победа на Меѓународниот турнир „Струга 2023“. Нашиот тим во второто коло се сретна со првакот на Грција, АЕК Атина и забележа победа од 26-23.
РК Алкалоид подобро го отвори натпреварот и доминираше во првите 15-тина минути од средбата. Голманот Благојче Трајковски и бекот Михајло Младеновиќ имаа свои добри моменти и го понесоа тимот кон водство од 9-5.
По ова грчкиот состав се врати во игра и успеа да израмни на 10-10, а на полувреме резултатот беше 13-15.


Во вториот дел се водеше поостра борба, во која РК Алкалоид како изминуваше времето играше сѐ посигурно. Додадена вредност во нашата игра беше голманот Алехандро Ромеро кој во неколку наврати одлично интервенираше и го понесе тимот.
РК Алкалоид израмни на 21-21, потоа на 23-23 и во финишот со серија од 3-0 го реши победникот.

Оваа победа значи и пласман во финале на турнирот каде што ќе се сретнеме со екипата на Вардар 1961.

Вести

РК Алкалоид победнички стартуваше на „Струга 2023“

РК АЛКАЛОИД – РК ДИНАМО ПАНЧЕВО 27-23 (12-9)

Игралиште на Женска плажа – „Горан Попоски – Бабец“ во Струга. Судии: Виктор Андонов и Стојанчо Јовановски. Делегат: Камер Металари
РК Алкалоид: Ромеро (8 одб), Трајковски (4 одб), Џонов 2, Маркоски 2, Стојков 1, Младеновиќ, Серафимов 4, Стојчевиќ, Стојковиќ 2, М. Митев 2, Ѓоргиев 1, Велковски 2, Симоноски 6 (5), Омерагиќ, Бинго 2, Кофилоски 1, Савревски 2

РК Алкалоид со победа стартуваше на Меѓународниот ракометен турнир „Струга 2023“. Нашиот тим во првото коло се сретна со екипата на РК Динамо Панчево од Србија и запиша победа од 27-23 (12-9).
РК Алкалоид подобро го отвори натпреварот, одбраната функционираше добро, а голманот Алехандро Ромеро имаше неколку интервенции по кои нашите ракометари ја преземаа иницијативата и диктираа резултат, најчесто од еден до два гола разлика, а на полувреме беше 12-9.


Тренерот Кирил Лазаров имаше можност да ги испроба сите ракометари во ротацијата, Резултатот притоа не трпеше, напротив дистанцата во второто полувреме се зголеми и имавме во неколку наврати водство и од пет гола разлика (15:10, 18:13).
Во финишот на натпреварот, успешно се одбранивме од обидот на противничкиот тим да направи пресврт и без неизвесност го водевме натпреварот до конечните 27:23.
Во следното коло, РК Алкалоид ќе игра со АЕК од Атина. Таа средба ќе се игра во петок.

Вести

РК Алкалоид на Меѓународниот турнир „Струга 2023“

РК Алкалоид ќе учествува на 51. издание на Ракометниот турнир „Струга“, кој ќе се одржи од 16 до 19 август. Ова ќе биде второ учество на РК Алкалоид на најстариот турнир во земјава.

Нашиот тим е во групата А со екипите на АЕК Атина и на РК Динамо Панчево.
Првиот натпревар РК Алкалоид ќе го одигра на 16 август против екипата на РК Динамо Панчево, со почеток од 20:40 часот.

Вториот меч ќе го играме против АЕК Атина на 18 август со почеток од 20:30 часот.
На последниот ден од турнирот ќе играме за конечен пласман против екипа од групата А, во која се РК Струга, РК Вардар 1961 и шведскиот тим Есклистуна ГУИФ.

Вести

РК Алкалоид на подготовки во Маврово

Откако го заврши првиот дел на загревање, РК Алкалоид ја започна и втората фаза од подготовките за претстојната сезона. Екипата веќе е во Маврово и таму ќе се подготвува десет дена. Со акцент на физичката подготвеност, ракометарите ќе тренираат во планинскиот центар, а потоа ќе започнат и со играње контролни натпревари. Предвидено е нашиот тим да настапи на турнирот во Струга (16-19 август), а потоа ќе оди на завршни подготовки во Хрватска, каде што ќе одигра серија контролни натпревари.