РК МУЛТИ ЕСЕНС – РК АЕРОДРОМ  49-25 (19-12)
Сала: „Автокоманда“ во Скопје. Судии: Дамјан Савиќ и Марко Огњановски. Делегат: Мотко Ѓоргиевски
РМ МУЛТИ ЕСЕНС: Г. Трајковски, Поповски 8, Ѓокески 4, Ангелевски 2, Насевски 4, Илиевски 1, Пецановски 3, Крстевски 2, Николовски 2, Стојков 12, Гурмешевиќ 3, Ј. Трајковски 4, Тевдовски 1, Петрески 2, Стојчевски 1
Седмерци: 4/4 Исклучувања: 8 мин. 
РК АЕРОДРОМ: Илиевски, Наков 1, Гулевски, Ниновски 5, Ќурчиев 4, Петроевски, КОстадиновски 1, Зафировски 3, Тодоровски, Илиевски, Симоновски 1, Панчевски 3, Ѓуриќ, Миленковски, Босилковски 3, Ристовски 4
Седмерци: 6/8 Исклучувања: 10 мин. 

Екипата на РК Мулти Есенс ја запиша својата втора победа сезонава, извојувана над екипата на РК Аеродром, убедливо со 24 гола разлика (49-25). 
Наспроти конечниот резултат, во првиот дел се играше изедначено долго време, до резултат 11-10. Потоа полека почна да доаѓа до израз подобрата подготвеност, а и квалитет на РК Мулти Есенс. Со серија од 8-2 до крајот на полувремето нашиот тим се одвои на 19-12 на полувреме. 

Вториот дел беше сосема поинаква приказна. Резултатската неизвеснот компетно ја снема, а РК Мулти Есен доминираше. Сериите станаа подолги, резултатот постојано растеше овој дел од мечот РК Мулти Есенс го доби со 17 гола разлика. Конечни 49-25 и останува на првото место на табелата екипата на РК Мулти Есенс во исчекување да се комплетираат сите резултати од второто коло. 
Во следното коло, РК Мулти Есенс ќе игра дерби натпревар на гостински терен во Битола против екипата на РК Еурофарм Пелистер 2. 

​РК ЈЕХОНА – РК МУЛТИ ЕСЕНС 22-36 (12-14)
Сала: „Младост“ во Гостивар. Судии: Сашо Јанкуловски и Мартин Јовановски. Делегат: Гордана Ѓорѓеска
РК ЈЕХОНА: Кизиќ 1, Давидоски 5, Костовски 2, Фичуроски 2, Јованоски, Тасески 4, Селмани 1, Стрезоски 1, Рушити, Салиу 1, Димитриески 1, Шазивари, Ѓорѓески, Е. Селмани, Махајлоски 4, Николоски
Седмерци: 2/2 Исклучувања: 8 мин.
РК МУЛТИ ЕСЕНС: Трајковски, Крстевски 5, Поповски 3, Ѓокески 2, Ангелевски, Насевски, Илиевски, Пецановски, Каракалашев 3, Николовски, Трајчев 1, Стојков 10, Гурмешевиќ 8, Трајковски, Тевдовски, Петрески 1
Седмерци: 2/5 Исклучувања: 16 мин.

РК Мулти Есенс со комплетно реновиран и подмладен тим во кој оваа сезона главниот збор ќе го имаат ракометарите кои настапуваат во кадетска и јуниорска конкуренција, со победа ја почна новата сезона.
РК Мулти Есенс во првото коло гостуваше кај екипата на Јехона во Гостивар и победи со убедлива разлика од 14 гола (36-22).
Нашиот млад тим демонстрираше игра со брза транзиција во која набрзина во првиот дел поведе со осум гола разлика (12-4). Но, домашниот состав успеа да се врати во игра по лошиот старт и во следниот период намали на 10-12 и се „закани“ со комплетен пресврт.
РК Мулти Есенс не дозволи поголемо резултатско приближување. Следеше нов бран и контрола одново беше воспоставена, а водството порасна на 18-12, а прв пат двоцифрена разлика беше при резултат 26-16.
На крајот, разликата беше убедлива, конечниот резултат 36-22 и нашиот тим ги запиша првите бодови.
Во следното коло, РК Мулти Есенс на домашен терен го пречекува тимот на РК Аеродром.

РК БУТЕЛ СКОПЈЕ – РК АЛКАЛОИД 27-34 (13-19)
Сала: „Антон Димитров“ во Скопје. Судии: Сашо Кркачев и Ѓоко Колевски. Делегат: Драган Начевски
РК БУТЕЛ СКОПЈЕ: Стојаноски, Блажевски, Субашевски, Тодески 4, Ѓеоргиевски 5, Николов 6, Новаковски, Спасовски, Т. Узунчев, Д. Узунчев 5, Милошески, Киселовски 2, Каевски, Михајловиќ 2, Шопиќ 3, Давитковски
Седмерци: 2/5 Исклучувања: 6 мин.
РК АЛКАЛОИД: Кизиќ, Галевски, Џонов 3, Маркоски, Костески 6, Младеновиќ 2, Серафимов 6, Карасманакис 1, Стојаковиќ 2, М. Митев, Ѓоргиев, Велковски 2, Симоноски 1, Бинго 7, Силва 3, Петковски
Седмерци: 4/4 Исклучувања: 4 мин.

РК Алкалоид влезе во победничка низа откако и на своето прво гостување сезонава славеше победа над секогаш незгодниот ривал РК Бутел Скопје. РК Алкалоид вечерва беше подобриот противник и без поголеми резултатски возбудувања стигна до двата бода.

РК Алкалоид ја контролираше играта во првото полувреме безмалку од почетокот на натпреварот. Домашните имаа предност само до резултат 3-3, а потоа Алкалоид полека ја подобруваше својата игра и одбрана, па по неколкуте израмнувања премина во покомотно водство (10-8). Разликата од два гола беше актуелна само неколку минути, Алкалоид поведе со 12-10, а потоа следеше серија од 5-1 и водство од 17-12, резултат што комплетно го смени текот на натпреварот.

Арно Бинго и Никола Костески во овој дел од натпреварот беа најефикасните ракометари.
Во второто полувреме, РК Алкалоид поведе и со седум гола разлика (20-13, 21-14 и 23-16). Потоа следеше мало опуштање што домашните го искористија за да намалат на 21-24 и да се заканат со поголема драма во финишот.
РК Алкалоид на 10 минути до крајот постигна два гола по ред и одново имаше безбедни плус пет (27-22), а на пет минути до крајот РК Алкалоид имаше плус осум и победата беше обезбедена.
Во следното коло, РК Алкалоид ќе игра на домашен терен со екипата на РК Прилеп.

РК АЛКАЛОИД – РК РАДОВИШ 33-23 (11-14)
Сала: „Автокоманда“ во Скопје. Судии: Силвана Карбеска и Марија Илиева. Делегат: Љупчо Јаневски
РК АЛКАЛОИД: Кизиќ, Трајкоски 1, Џонов 4, Петров, Младеновиќ 1, Серафимов 4, Карасманакис 1, Стојковиќ 4, Ѓоргиев 1, Симоноски 1, Бинго 4, Силва 4, Петковски 6, Савревски 1, Гарбески 1
Седмерци: 2/2 Исклучувања: 8 мин.
РК РАДОВИШ: Ристов, Петров, Ј. Ѓорѓиев, Постолов 6, Марковиќ, Јанковски 3, Соколов, Стојаноски 3, К. Ѓоргиев, Стојанов 2, Талевски 2, Трајанов, Ончев 5, Костадинов, Атанасов 2, Костадиновски
Седмерци: 2/2 Исклучувања: 10 мин.

Во второто првенствено коло, РК Алкалоид на домашен терен го пречека тимот на РК Радовиш. По победата над РК Вардар 1961 во дербито во првото коло, РК Алкалоид славеше победа и над РК Радовиш, убедливо со 10 гола разлика (33-23).
Тренерот Кирил Лазаров за овој натпревар се реши за комбиниран состав во кој поштедени беа Марко Митев, Дамјан Митев, Никола Костески, Мартин Велковски, Иван Галевски и Никола Маркоски.
Првото полувреме РК Алкалоид играше преопуштено особено во одбраната и тоа гостинскиот состав го казни и стигна и до комотна предност од шест гола разлика по 23 минути игра, односно три гола предност на полувреме.
Во вториот дел, нашиот тим ја консолидираше одбраната, почна да игра поконцентрирано и по само две минути до израмни резултатот, а во 40 минута влезе во серија од 7-0 со која стигна до солидно водство од шест гола разлика (26-20).

До крајот на натпреварот РК Алкалоид имаше комплетна контрола врз настаните на теренот и средбата ја доби со убедливи 10 гола разлика.
Крилото Александар Петковски со шест гола беше најефикасниот во нашиот тим, пред Мартин Серафимов, Арно Бинго, Марко Стојковиќ, Иван Џонов и Франциско е Силва кои постигнаа по четири погодоци.
Во следното коло, РК Алкалоид прв пат сезонава ќе игра како гостин, а противник ќе биде екипата на РК Бутел Скопје.

РК АЛКАЛОИД – РК ВАРДАР 1961 33-30 (18-17)
Сала: Авотокоманда“ во Скопје. Судии: Михајло Илиевски и Методија Илиевски. Делегат: Драган Начевски
РК АЛКАЛОИД: Галевски (5/1 одб), Кизиќ (3 одб), Џонов 2, Маркоски, Костески 6, Младеновиќ, Серафимов 8, Карасманакис, Стојковиќ 1, Митев 8, Ѓоргиев 4, Велковски 1, Симоноски 2, Бинго 1, Силва, Петковски
Седмерци: 4/4 Исклучувања: 10 мин.
РК ВАРДАР 1961: Еспиња (7 одб), Гогов, Јагуриновски, Аларов, Стојановски, Георгиевски 4, Ансер, Крсманчиќ 2, Танкоски 3, Коиј 2, Лазаревски 6, Горига 5, Срдановиќ 3, Николиќ 1, Маргели 4, Ќосевски
Седмерци: 2/3 Исклучувања: 4 мин.

По триумфот во Суперкуп натпреварот над Еурофарм Пелистер од 33-30, РК Алкалоид со идентична победа од 33-30 стартуваше и во Суперлигата и тоа на големиот дерби натпревар со РК Вардар 1961.
Двата тима на почетокот на натпреварот демонстрираа ракомет со брза транзиција и кратки и ефектни напади. Тоа е игра што повеќе му одговараше на нашиот тим и по 12 минути поведовме со три гола разлика (8-5), а тренерот на противничкиот тим побара тајм аут, по што и ритамот на играње се смири.

Следеше период во кој РК Алкалоид диктираше резултат, но РК Вардар беше успеваше и да израмни, а само во еден момент и да поведе. Но, на одмор се замина со гол предност за РК Алкалоид благодарение на ефектниот погодок на Никола Костески.
Нашиот тим одново ја преземе контролата во второто полувреме. Нападот предводен од Марко Митев имаше решенија за противничката зона, а во одбраната успеваше да ги запре противничките голгетери со поддршка во клучни моменти од голманите Кизиќ и Галевски.
По десетина минути игра, РК Алаклоид почна да ја материјализира подобрата игра на теренот. Поведовме со 25-21, 26-22 и патот кон победата беше трасиран.
Вардар се обиде резултатски да се врати, успеа да дојде до 24-26, но тука беше запрен. Следните два погодока беа за нашиот тим и откако поведовме со 29-25 веќе и времето почна да игра важна улога.
Само во уште еден момент бевме навидум во опасност (31-29), но одново следеа два погодока за конечна победа од 33-30 и први суперлигашки бодови сезонава.

РК Алкалоид ќе го одигра својот прв официјален натпревар во новата сезона во предпремиерата на стартот на првенството.

Минатата сезона освоениот пехар во Куп на Македонија за прв пат го носи нашиот тим во Суперкуп дуелот каде што ќе се сретнеме со екипата на РК Еурофарм Пелистер.

РК Алкалоид е спремен за првиот предизвик. Екипата го комплетираше подготвителниот период со пријателската контролна средба во Србија. Претходно настапи на меморијалниот турнир во Охрид. Тренерот Кирил Лазаров, очекува тврд и тежок натпревар.

„Ќе играме со многу цврста и квалитетна екипа, а можам да кажам и многу искусна. Пред нас е тешка задача и голем предизвик. Ќе го дадеме на терен нашето најдбро во моментот и спортски ќе се надеваме на позитивен резултат. РК Еурофарм Пелистер е уште поквалитетен од минатата година и очекувам квалитетен ракомет и на Суперкупот во Гевгелија“, изјави Лазаров во пресрет на натпреварот.

Битката за првиот пехар сезонава ќе се води на неутрален терен, а за град домаќин е одбрана Гевгелија и салата „26 април“. Почетокот на натпрeварот е закажан за среда, 19:00 часот, а директно ќе биде пренесуван и на МТВ.