Тројца македонски репрезентативци од редовите на РК Алкалоид и РК Мулти Есенс беа селектирани од Европската ракометна федерација да бидат дел од проектот „Почитувај го својот талент“ – класа 2024.

Photos: Uros Hocevar/Kolektiff

Вкупно 30 млади ракометари што оставија посебен впечаток на М18 ЕХФ Еуро одржано летоска во Црна Гора, каде што беа прогласувани за играч на натпреварот, беа поканети за учество на годишиот камп во Виена каде што имаа можност да учат и да разговараат за теми што се надвор од теренот со ракометните амбасадори на ЕХФ, а тоа годинава беа врвните поранешни играчи Ханс Линдберг (Данска), Љубомир Врањеш (Шведска), Вид Кавтичник (Словенија) и Карлос Прието (Шпанија).

Македонски претставници на овој настап беа ракометарите Дамјан Митев, Марин Крстевски и Ѓорѓи Николовски.

Темите на кои селектираните ракометари разговараа со познатите ракометари беа од областа на нутриционзимот, социјални медиуми, анти допинг, двојни кариери, психолошки вежби и спортски закони.
За секоја точка, амбасадорите имаа покрај себе посебен експерт за темата со што професионално беше анализирана и одработена секоја поединост.

„Сакам да стигнам до врвот, дефинитивно. Знам дека тоа е тешка задача, но има време и мислам дека сме на вистинскиот пат. Небото е граница, а со советите што ги добивме од амбасадорите, сѐ е возможно. Тие ни ја раскажаа својата приказна и тоа ќе ни биде многу корисно во иднина“, изјави Марин Крстевски.

Photos: Uros Hocevar/Kolektiff

Вистинскиот пристап и квалитетот во работата со младинските категории годинава ги поставија нашите млади колективи на пиедесталот во државните шампионати.
Кадетите на РК Алкалоид го комплетираа успехот на пионерите на РК Алкалоид кои се нови државни прваци и на РК Мулти Есенс кои се новите младински прваци.

Денеска на Фајналфор турнирот во кадетска конкуренција, екипата на РК Алкалоид доминантно во полуфиналето ја совлада екипата на РК Струга (26-15), а потоа беше импресивен и во финалето на дуелот со екипата на РК Еурофарм Пелистер 2 и го совлада со 31-22 и станаа кадетски прваци на Македонија.
Претседателот на РФМ Живко Мукаетов, генералниот секретар Филип Милошевски и селекторот на младинската репрезентација Радослав Стојановиќ ги поделија победничките пехари и медалите на екипите учесници.

РК Мулти Есенс и РК Алкалоид ги освоија државните првенства во младинска и пионерска конкуренција и за да станат апсолутни прваци во младинските категории им недостасува единствено пехарот од кадетската конкуренција.

Фајналфор турнирот за кадетите ќе се игра викендов во „Автокоманда“, а една од четирите екипи што ќе се бори за шампионскиот пехар е и екипата на РК Алкалоид.
Нашиот кадетски состав во полуфиналето ќе игра со екипата на РК Струга, додека другата полуфинална двојка ја сочинуваат екипите на РК Бисинов Фруитленд и РК Еурофарм Пелистер.
Влезот ќе биде бесплатен.

КАДЕТСКИ Ф4 ТУРНИР
Сабота, 18.5.2024
Распоред на натпревари

11:00 РК Алкалоид – РК Струга
13:30 РК Бисинов Фруитленд – РК Еурофарм Пелистер
17:00 Меч за трето место
19:30 Финале

Кадетскиот тим на Алкалоид e победник на вториот меморијален турнир „Марко Божиновски“ што се одржува во чест на прерано починатиот македонски ракометар и репрезентативец.
РК Алкалоид победи на турнирот на кој учествуваа екипите на РК Коњух од Босна и Херцеговина и македонските екипи РК Е. Пелистер, РК Бутел Скопје, РК Голден Арт и РК Аеродром. 

РК Алкалоид победи на сите четири одиграни натпревари. Во првото коло беше подобар од РК Коњух со резултат 30:27. Во второто коло го совлада тимот на РК Аеродором со резултат 48:21, а потоа во полуфиналето го елиминираше тимот на РК Бутел Скопје (27:16).

Во финалето, нашиот тим одново се сретна со екипата на Коњух, која пак, во полуфиналето беше подобра од Е. Пелистер (34-28). 
Нашиот тим по втор пат на турнирот беше подобар од екипата на Коњух од БиХ. Конечниот резултат е 26:25, победа извојувана во тежок меч кој имаше и драматична завршница, во која сепак, подобро се снајде нашиот состав.