Категорија: Uncategorized

Вести

11 победа по ред за РК Мулти Есенс

РК МУЛТИ ЕСЕНС – РК МАКЕДОНИЈА Ѓ. П.   33-31 (20-10)


Сала:„Автокоманда“ во Скопје. Судии: Даниел Божиновски и Виктор Начевски. Контролор: Зоран Арсенов
РК Мулти Есенс: Штаковски, Д. Узунчев 8, Тручковски 2, Омерагиќ 1, Алексовски, Трајковски, Велков, Ерманоски, Младеновски 1, Т. Узунчев 3, Митев 5, Проданов 2, Канг 1, Карасманакис, Костовски 9, Георгиевски
Седмерци: 3/3 Исклучувања: 4 мин. 


РК Македонија Ѓ. Петров: Ѓероски, Нелоски 1, Ангеловски 3, Ролевски 7, Ѓорѓевски 5, Ѓиноски 6, Шумоски, Јаневски, Нацев 1, Трифуновски, Огњановски, Димовски 5, Стојановски 3, Марковски, Трајановски
Седмерци: 2/3 мин Исклучувања: 8 мин.

РК Мулти Есенс ја продолжи доминацијата во Првата лига со остварувањето на 11 победа од исто толку одиграни натпревари. 
Вечерва РК Мулти Есенс славеше победа на домашен терен над екипата на Македонија Ѓ. Петров од 33-31. 


Овој натпревар беше решен во првото полувреме во кое екипата на РК Мулти Есенс направи резултатска разлика од 10 гола (20-10). 
Во вториот дел оваа разлика беше рутински одражана, а гостинскиот состав во самиот финиш со неколку гола по ред успеа да ја намали разликата на само два гола. 
Михајло Костовски со девет гола и Димитар Узунчев со осум погодоци беа најефикасните играчи во победничкиот состав. 

Вести

РК Алкалоид ја заврши полусезоната на второ место

РК БУТЕЛ СКОПЈЕ – РК АЛКАЛОИД   28-27 (14-14)


Сала: „Антон Димитров“ во Скопје. Судии: Глигор Ќаев и Спаско Ќаев. Делегат: Ацо Николовски
РК БУТЕЛ СКОПЈЕ: Бчажевски, Ивановски, Субашевски, Младеновски 1, Георгиевски 2, Николов 11, Крстевски 7, Мојсоски, Стојчевиќ, Манасков 2, Јефтиќ 1, Василевски, Цветковски, Мајиќ 3, Давитковски


Седмерци: 5/5 Исклучувања: 8 мин. 


РК АЛКАЛОИД: Цветковски, Галевски, Трајковски, Димевски, Маркоски, Младеновиќ 2, Серафимов 8, Илиески 2, Стојковиќ 1, Иваноски, Симоноски 2, Тодески 4, Кофилоски 1, Петковски 3

Седмерци: 7/10 Исклучувања: 14 мин. 

Заврши првиот дел од сезоната во македонската Супер лига. Вечерва, РК Алкалоид го одигра последниот натпревар од оваа фаза. Следно во домашниот шампионат ќе бидат натпреварите од Плеј оф.

РК Алкалоид не успеа да освои бодови на последниот натпревар од есенскиот дел од првенството. На гостувањето кај РК Бутел Скопје, во тврд и тензичен натпревар, поуспешна беше домашната екипа 28-27.
Оваа средба немаше резултатско значење, во поглед на конечниот изглед на табелата во групата „А“.


РК Алкалоид пред овој меч го имаше обезбедено второто место. Првиот дел од шампионатот го заврши со скор од 11 победи и три порази и пренесува два бода во Плеј оф
Мартин Серафимов со осум гола, Игор Ѓоргиев и Теодор Тодески со по четири беа најефикасните. 

Вести

РК Алакалоид во групната фаза од Куп на Македонија

РК АЛКАЛОИД – РК АСТРАИОН  47-15 (24-8)

Сала: „Автокоманда“ во Скопје. Судии: Исмаил Металари и Ненад Николовски. Делегат: Сашо Младенов


РК Алкалоид: Цветковски, Димевски 3, Младеновиќ 2, Серафимов 1, Илиески 4, Стојковиќ, Ѓоргиев 1, Галевски, Иваноски 8, Симоноски 3, Трајковски, Тодески 4, Кофилоски 6, Петковски 15
Седмерци: 1/1 Исклучувања: 4 мин.


РК Астраион: Наумов, Беловинов 1, Котевски, К. Катранџиев 1, Станковски, Перовановиќ, Д. Катранџиев 1, Цонев 3, Иванов, Ефтимов 4, Пандев 1, В. Стојанов 3, М. Стојанов 1
Седмерци: 2/4 Исклучувања: 4 мин.

РК Алкалоид го елиминираше прволигашкиот ривал РК Астраион од Струмица од Куп на Македонија, совладувајќи го со убедлива разлика од 32 гола. 
Немаше резултатски неизвесности на оваа средба. Гостите успешно парираа само во воведните минути (4-4), а потоа Алкалоид се „одлепи“ на 7-4 и10-6.
Поизразена беше доминацијата во следните минути во кои со серија од 14-2, РК Алкалоид стигна до резултатот што беше актуелен на полувреме (24-8).
Во вториот дел продолжи доминацијата беше и поизразена и на крајот РК Алкалоид да стигне до конечните 47-15. 
Крилото Александар Петковски беше најефикасен играч и постигна 15 гола.

Со оваа победа РК Алкалоид се пласираше во групната фаза од Куп на Македонија во која екипите ќе бидат поделени во четири групи со по четири екипи. Победниците ќе се пласираат на завршниот „Ф4“ турнир.

Вчера, во елиминациското коло настапи и екипата на РК Мулти Есенс. Тие беа гости на РК Вардар 1961 и не успеаја да се пласираат во групата, откако беа поразени 18-43.

Вести

Убедлива победа на РК Алкалоид над РК Вардар Неготино

РК АЛКАЛОИД – РК ВАРДАР (Н)   40-16 (18-9)


Сала: „Автокоманда“ во Скопје. Судии: Глигор Ќаев и Спаско Ќаев. Делегат: Драган Начевски
РК Алкалоид: Цветковски, Димевски 4, Стојков 2, Младеновиќ 3, Серафимов 7, Илиески, Стојковиќ 4, Галевски, Иваноски 4, Симоноски 4, Омерагиќ 3, Трајковски, Тодески 3, Кофилоски 6
Седмерци: 4/4 Исклучувања: 6 мин.


РК Вардар (Н): Ацев, Михајловиќ 2, Ташев, Ѓорѓев 1, Кузманов 5, Орешков, Петрески, Митевски, Ангелов, Емини, Петров 1, Кочаров 3, Пеовски 4, О. Јовановски, М. Јовановски
Седмерци: 1/2 Исклучувања: 2 мин. 

РК Алкалоид запиша уште една убедлива победа и го верификуваше пласманот на второто место во групата „А“ во прелиминарната рунда од Супер лигата на едно коло до крајот на оваа фаза од шампионатот. 

Денеска гостин во „Автокоманда“ беше екипата на РК Вардар Неготино. Натпреварот мина под целосна контрола на нашиот клуб. Поведоа ракометарите на РК Алкалоид со 5-2, па потоа следеше дел во кој гостите успеаја да се доближат на минус два гола (5-7). По ова следеше клучната фаза од натпреварот, а таа се играше во втората половина на првиот дел кога од 10-7 со серија од 8-2, РК Алкалоид стигна до водство од 18-9 што беше резултат на полувреме.


Серијата продолжи и во второто полувреме во кое Алкалоид уште на почетокот стигна до двоцифрена предност и водеше 21-10. 
Доминацијата продолжи до крајот до конечните плус 24, односно резултат 40-16.



РК Алкалоид на едно коло до крајот има недостижна разлика пред конкурентите за второто место и во Плеј оф разигрувањето ќе пренесе два бода. 
Во последното коло, Алкалоид на гостински терен ќе игра против екипата на Бутел Скопје. 

Вести

Со вложување во најмладите итаме кон реализација на нашите цели

01.12.2022

Особено задоволство ни претставува кога можеме да ги поддржиме нашите најмлади во нивните обиди да живеат и да растат здраво и да се занимаваат со спорт. Основната задача која произлегува од целите што ги поставивме е создавање на врвни услови за талентираните ракометари максимално да ги развијат своите потенцијали и да постигнат најдобри резултати во младинските категории, а потоа да го пренесат тоа и во сениорската конкуренција.

Веруваме дека преку едукација и преку стручно усовршување е можно позначајно да се унапреди системот и да се очекуваат повисоки и врвни резултати од нашите спортисти во наредните години. 

РК Алкалоид годинава создаде поголема база, која, во согласност со амбициите и со целите, ќе се проширува и ќе се модифицира. Оваа година во нашиот спортски колектив имаме две пионерски, две кадетски екипи и една младинска екипа, со што вкупно имаме пет младински екипи, во кои настапуваат 98 пријавени ракометари. 

Овие играчи се натпреваруваат во три младински категории, а во моментов во младинската и кадетска категорија нашите екипи се на првите места.

РК МУЛТИ ЕСЕНС ПИОНЕРИ

РК МУЛТИ ЕСЕНС КАДЕТИ

РК АЛКАЛОИД ПИОНЕРИ

РК АЛКАЛОИД КАДЕТИ

Вести

РК Алкалоид победнички се враќа од Струга

РК СТРУГА – РК АЛКАЛОИД   29-44 (14-22)
Сала: „Нико Нестор“ во Струга. Судии: Исмаил Металари и Ненад Николовски. Делегат: Душко Камишевски


Струга: Тутенкоски, Маркоски 8, Савески 1, Блажески 3, Лазаревиќ 2, Бугриновиќ 7, Јанкулоски, Ферукоски, Димески, Ѓуровиќ 3, Стрезоски, В. Маркоски, Костоски, Цветаноски 5, Рикановиќ, Нацев
Седмерци: 2/3 Исклучувања: 2 мин.


Алкалоид: Галевски, Димевски 1, Стојков 4, Младеновиќ 1, Серафимов 8, Илиески 2, Стојковиќ 4, Митев, Ѓоргиев 4, Иваноски 1, Симоноски 1, Омерагиќ 1, Трајковски, Тодески 3, Кофилоски 7, Петковски 7
Седмерци: 5/6 Исклучувања: 8 мин. 

РК Алкалоид ја совлада РК Струга на гостински терен и практично го завери второто место на табелата кое носи два бода на салдо на почетокот на Плеј оф разигрувањето. РК Алкалоид ја оправда фаворитската улога и предводен од Серафимов и тандемот крилни играчи Кофилоски и Петковски рано ја презема контролата и стигна до комотно водство. 


РК Алкалоид поведе 6-2 и таа разлика потоа ја сголеми н 12-6, 15-8 за на полувреме да биде 22-14. 

Во второто полувреме, РК Алкалоид и РК Струга беа рамноправни резултатски, иако водството остана. Така беше до резултат 31-26. По ова почна серија која заврши со 11-2 или вкупно 42-27 пред стружани да постигнат погодок. Конечно, напреварот заврши со победа на РК Алкалоид од 44-29.