Категорија: Uncategorized

Вести

Градиме иднина. РК Алкалоид ја зголеми базата на играчи во младинските категории

По успешната прва сезона во системот на натпреварување на Ракометната федерација на Македонија, РК Алкалоид продолжи да се усовршува и да го зголемува своето ракометно семејство со проширување првенствено на младинските категории.

„Моја и наша заедничка цел како тим е децата да ги направиме не само спортисти, туку да ги изградиме и како личности кои ќе бидат пример во нашето општество и подготвени да одговорат на сите предизвици во животот. Може слободно да се пофалиме дека имаме најмногу млади играчи во сите селекции на ниво на цела Македонија“, вели Влатко Котески, координатор на младинските селекции и школи на РК Алкалоид. „Во школите децата се запознаваат со првите ракометни чекори и елементи, спортуваат, се дружат, но ги учиме и на спортска дисциплина и на меѓусебно почитување и тимска работa“, вели Котески.

„Тие деца со тренинг, работа и со посветеност понатаму се селектираат во пионери, кадети и во младинци. Имаме отворено школи за ракомет РК Алкалоид на ниво на цело Скопје (Центар – ’К. Глигоров’, К. Вода – ’Круме Кепески’, Гази Баба – ’К. П. Мисирков’, ’Вера Јоциќ’ и ’М. А. Ченто’), Свети Николе и Тетово, а во блиска иднина ќе се прошириме и во Аеродром – ’Љубен Лапе’ и во Карпош – ’Петар Поп Арсов’, ’Л. Трповски’ и ’Х. Т. Карпош’“.

„Во сите наши селекции во системот на РФМ се пријавени 98 играчи, кои се регистрирани во 5 младински екипи и кои ќе играат во 3 натпреварувачки лиги:

РК Мулти Есенс У18 – младинска екипа за играчи до 18 години, кои ќе се натпреваруваат во Младинската лига;

РК Алкалоид У16 – кадетска екипа за играчи до 16 години, кои ќе се натпреваруваат во Кадетската лига;

РК Мулти Есенс У16 – кадетска екипа за играчи до 16 години, кои ќе се натпреваруваат во Кадетската лига;

РК Алкалоид У14 – пионерска екипа за играчи до 14 години, кои ќе се натпреваруваат во Пионерската лига;

РК Мулти Есенс У14 – пионерска екипа за играчи до 14 години, кои ќе се натпреваруваат во Пионерската лига.“

Вести

Продолжи победничката низа на РК Мулти Есенс

РК МУЛТИ ЕСЕНС – РК ТЕКСТИЛЕЦ 38-18 (19-12)


Сала: „Круме Кепески“ во Скопје. Судии: Наум Александровски и Мирко Трајковски. Делегат: Александар Атанасовски


РК Мулти Есенс: Штаковски, Ерманоски, Трајковски, Грујевски, Д. Узунчев 8, Тричковски 6, Омерагиќ 5, Алексовски 1, Велков, Младеновски 2, Т. Узунчев 3, Митев 2, Проданов 2, Канг 2, Карасманакис 3, Костовски 4
Седмерци: 2/2 Исклучувања: 6 мин.


РК Текстилец: Боболковски, Петров 3, Чмрлец 1, Димитров 1, Петров 4, Ристов 1, Димитријев 4, Димчевски 2, Џинес, Сенев, Савев 2
Седмерци: 1/4 Искучувања: 10 мин.

РК Мулти Есенс ја продолжи победничката низа во Првата лига која по денешниот триумф над екипата на РК Текстилец изнесува седум победи од исто толку одиграни натпревари. 
Гостите од Штип денеска добро го почнаа натпреварот, во првата фаза имаа и минимално водство, но избраниците на Бранко Ангеловски ја преземаа контролата и во втората фаза на првиот дел, по водството од 12-10, со серија од 7-2 стигнаа до убедлива разлика од 19-12. Тоа водено беше и резултатот на полувремето. 

Набрзо по почетокот на второто полувреме, РК Мулти Есенс поведе и со двоцифрена разлика (23-13). Победникот веќе беше решен, а во продолжение се играше рутински, разликата постепено се зголемуваше, се до постигнување на конечниот резултат 38-18.

Вести

Уште една убедлива победа на РК Алкалоид

АЛКАЛОИД – КУМАНОВО  47-16 (20-8)


Сала:„Јане Сандански“ во Скопје. Судии: Виктор Начевски и Даниело Божиновски. Делегат: Душко Камишевски


Алкалоид: Цветковски, Димевски 3, Маркоски 1, Стојков 5, Младеновиќ 2, Серафимов 5, Митев 4, Ѓоргиев 3, Иваноски 4, Симоноски 3, Трајковски, Тодески 3, Кофилоски 11, Петковски 3
Седмерци: 3/3 Исклучувања: 8 мин.


Куманово: Кимевски, Мрвовиќ 5, Димитров 3, Кузмановски, Петковски, Миладиновски 2 Цветковски, Постоловски 2, Коловски 2, Трајчевски 2, Михјаловски
Седмерци: 0/2 Исклучувања: 14 мин.

Алкалоид запиша уште една победа во која постигна над 35 погодоци. Екипата на Куманово беше гостин во Скопје, на натпревар што заврши со висока победа на Алкалоид од дури 31 гол разлика (47-16). 
Гостинскиот состав релативно добро се бранеше на почетокот на натпреварот, до резултат 6-5. Потоа почна доминација на РК Алкалоид што во првиот бран траше со резултат 16-6. Не се промени сликата и во продолжение, доминацијата траеше до крајот на натпреварот, а беше изразена со долги серии во кои крилото Дарио Кофилоски постигна 11 погодоци. 

Вести

Седма победа за РК Алкалоид

РК АЛКАЛОИД – РК ПРИЛЕП   37-22 (19-12)


Сала: „Јане Сандански“ во Скопје. Судии: Ѓорѓи Василевски и Блаже Михајлов. Делегат: Драган Начевски


РК Алкалоид: Трајковски, Галевски 2, Димевски 1, Маркоски, Стојков 3, Младеновиќ 2, Серафимов 4, Илиески 4, Стојковиќ 3, Митев 3, Ѓоргиев 2, Иваноски 4, Симоноски 2, Тодески 1, Кофилоски, Петковски 6
Седмерци: 4/4  Исклучувања: 6 мин.


РК Прилеп: Јорданоски, Дамчески, Бикоски 1, Вренцоски, Ангелески, Уча, Шокоски 5, Бурчевски, Лозаноски 3, Чантурија 1, Павлов 1, Христоски, Миријани 2, Стојкоски, Ѓоргиески 9
Седмерци: 1/1 Исклучувања: 8 мин.

РК Алкалоид го совлада РК Прилеп и ја зголеми разликата на табелата пред РК Бутел Скопје и ГРК Охрид кои утре ќе играат меѓусебе. РК Алкалоид денеска ја запиша седмата победа од осум одиграни натпревари,.


Гостинскиот состав добро се снаоѓаше на почетокот на натпреварот и во една делница од првото полувреме имаше минимално водство (5-4).
По ова Алкалоид почна да влегува во свој ритам и успеа да воспостави контрола врз играта и резултатот и полека почна да го зголемува водството. 

Алкалоид имаше два до три гола предност во втората делница од полувремето (9-7, 11-9), а потоа влезе во вистински ритам и со серија од 7-2, стигна до убедливо водство од 19-12 што беше и резултат на полувреме. 


Во вториот дел беше потврдена доминацијата на РК Алкалоид. Разликата набрзо стана двоцифена, тренерот Кирил Лазаров имаше можност да им даде шанса на повеќе играчи да настапат на овој натпревар, а дури 13 играчи се запишаа во листата на стрелци. 

Вести

У20: Висока победа за РК Мулти Есенс на премиерниот меч

РК МУЛТИ ЕСЕНС – МРК КУМАНОВО   40-20 (19-8)

Сала: „Круме Кепески“ во Скопје. Судии: Андреј Јорданов и Виктор Терзиевски. Делегат: Моника Ѓоргиевска

РК Мулти Есенс: Штаковски, Димитриевски 6, Тодоров 1, Д. Узунчев 3, Омерагиќ 4, Трајковски, Велков 2, Младеновски 1, Т. Узунчев 2, Проданов 2, Митев 4, Канг 2, Карасманакис 3, Ниновски 2, Иванов 2, Тричковски 6
Седмерци: 4/5 Исклучувања: 4 мин.

Младинскиот состав на РК Мулти Есенс го совлада убедливо со 40-20 составот на МРК Куманово на својот прв одигран натпревар во шампионатот на Македонија. 
Со јасно изразена резултатска доминација (8-2, 11-4, 14-7) на надежите на РК Мулти Есенс се одигра овој натпревар на кој Димитриевски и Тричковски најдобро ги искористија своите голгетерски способности и беа топ стрелци со по шест постигнати гола. 
Ова беше меч од второто коло во младинскиот шампионат, во првото коло натпреварот меѓу РК Мулти Есенс и РК Јуниор Кисела Вода не се одигра и се очекува формалната одлука за службена победа на РК Мулти Есенс. 

Вести

Рекордна победа за РК Мулти Есенс

РК БИСИНОВ ФРУИТ ЛЕНД – РК МУЛТИ ЕСЕНС   16-40 (11-18)


Сала: „Круме Кепески“ во Скопје. Судии: Лејла Јашар и Михаела Капсарева. Делегат: Цветомир Јовановски


РК Бисинов Фруит Ленд: Вељановски, Миланов 1, Ристовски 2, Славевски 6, Иванов 1, Славков 1, Ристевски 1, Велковски, Ивчевски, Илиев, Станчев 2, Пранговски, Дамевски 2
Седмерци: 3/5 Исклучувања: 8 мин. 

РК Мулти Есенс: Штаковски, Ерманоски, Грујевски 1, Димитриевски 4, Д. Узунчев 9, Тричковски 7, Алексовски, Велков, Младеновски 1, Т. Узунчев 1, Митев 1, Проданов 4, Канг, Карасманакис 3, Костовски 4, Омерагиќ 5
Седмерци: 3/4 Исклучувања: 12 мин.

Екипата на РК Мулти Есенс ја продолжи победничката низа во шампионатот која по вечерашната победа над РК Бисинов Фруит Ленд, изнесува шест победи од исто толку одиграни натпревари. 
Екипите ги заменија домаќинствата, па велешкиот состав поради зафатеност на својата сала беше домаќин во Скопје. 

Победникот на натпреварот беше решен многу брзо. РК Мулти Есенс доминираше од почетокот на натпреварот и поведе со 8-2 и 10-3 веќе во овој период беше познато дека бодовите ќе бидат запишани на салдото на лидерот на табелата. 
Велешкиот состав, сепак, успеа да ја одржи почетната негатива од седум гола до крајот на полувремето, кое заврши со водство од 18-11 за РК Мулти Есенс. 

Во второто полувреме, до поголем израз дојде и фактот дека РК Мулти Есенс е подобро подготвен тим и водството беше зголемено на плус десет гола разлика уште на стартот на полувремето (21-11), а потоа разликата постојано се зголемуваше до конечните 24 разлика или 40-16.
Ова е највисоката победа на РК Мулти Есенс во првенството досега.