РК АЛКАЛОИД – РК БУТЕЛ СКОПЈЕ 21-19 (9-9)

Сала „Јане Сандански“ во Скопје. Судии: Сашо Кркачев и Ѓоко Колевски. Делегат: Марјан Огњановски
РК Алкалоид: Трајковски, Цветковски, Галевски, Димевски, Маркоски 1, Стојков 2, Младеновиќ 1, Серафимов 7, Илиески, Митев, Ѓоргиев 3, Иваноски 1, Симоноски 1, Омерагиќ, Кофилоски 1, Петковски 4
Седмерци: 4/8 Исклучувања: 6 мин.

РК Бутел Скопје: Блажевски, Ивановски, Субашевски, Младеновски 1, Ѓеоргиевски 3, Николов 6, Крстевски, Мојсоски, Спасовски 1, Петрушевски, Стојчевиќ 1, Манасков 1, Јефтиќ 3, Василевски 1, Цветковски, Давитковски 2
Седмерци: 5/6 Исклучувања: 14 мин

РК Алкалоид победи на уште едно големо првенствено дерби. Вечерва, нашиот тим славеше победа над Бутел Скопје (21-19) и сега е осамен на второто место на суперлигашката табела со шест победи од седум одиграни натпревари.

Овој натпревар беше многу поинаков од досегашните во шампионатот. Се играше со побавен ритам, со многу фаули, цврсти одбрани и малку голови.

РК Алкалоид подобро почна, на почетокот ја играше својата брза игра и по кратко време поведе со 4-1. Гостинскиот состав играше побавно и успеваше да казни грешки што се правеа во брзиот ритам, па набрзо натпреварот доби поинаков тек.
Натпреварот стана тврд, имаше се помалку голови, а играта се сведуваше на напади на поставени одбрани. Свои минути имаа и двата тима, а на полувреме се замина со резултат 9-9.

Во второто полувреме, РК Алкалоид повторно го презема водството, но противничкиот состав секогаш беше резултатски блиску.
Сепак, нашиот тим не му дозволи на противникот да премине во водство. Го контролираше резултатот и успешно ја бранеше тешко заработена предност.

Во финишот, клучен момент беше кога РК Алкалоид успеа да поведе со три гола предност (20-17) и со одлична игра во одбраната која вечерва беше во главната улога успеа да стигне до многу важни бодови.
Мартин Серафимов со седум гола беше нашиот најефикасен играч. Александар Петковски беше втор стрелец со четири гола.

РК МУЛТИ ЕСЕНС – РК КИЧЕВО 2020   41-27 (19-12)

Сала: „Круме Кепески“ во Скопје. Судии: Божидар Јованов и Пепи Димков. Делегат: Стево Костенчев

РК Мулти Есенс: Штаковски, Ерманоски, Димитриевски 4, Грујевски 3, Д. Узунчев 5, Тричковски 5, Омерагиќ 3, Велков 1, Младеновски 4, Т. Узунчев 7, Митев 2, Проданов 1, Канг, Карасманакис 1, Костовски 5, Георгиевски
Седмерци: 1/3 Исклучувања: –

РК Кичево 2020: Илијоски, Кочески 1, Тошев 2, Никодиновски 4, Најдески, Смилески 1, Јаковлески 4, Фичуроски 7, Јаневски 6, Јованоски 2
Седмерци: 2/2 Исклучувања: 4 мин. 

РК Мулти Есенс jа запиша петтата првенствена победа и сега е сам, на првото место на табелата во групата „А“ во машката Прва лига.
РК Мулти Есенс одново играше дерби меч, а овој пат противник беше екипата на РК Кичево 2020. Оваа средба убедливо ја доби нашиот тим со 41-27 (17-12), но и гостинскиот состав пружи отпор, па натпреварот имаше свој шарм и убавина.

Првите петнаесет минути од натпреварот, беше периодот што беше резултатски нејнеизвесен. Гостинската екипа поведе со 4-2, но РК Мулти Есенс со серија од 3-0 го презема водството (5-4). Потоа во следните десет минути се играше израмнето, а решавачката серија од 5-0, РК Мулти Есенс ја направи од резултат 9-7, по што дојде до 14-7.
До крајот на првиот дел немаше поголеми резултатски периоди на падови или добри периоди, па на одмор се замина со резултат 19-12.

Во второто полувреме, на почетокот се играше во ист ритам како и во првиот дел, а потоа РК Мулти Есенс влезе во подобар период , постигна шест гола, прими само два и за прв пат на мечот имаше водство од 10 гола разлика (28-18).
Потоа беше порелаксиран натпреварот, беа постигнати повеќе голови на двете страни за конечна победа од 41-27 за РК Мулти Есенс.

МУЛТИ ЕСЕНС – МЛАДОСТ 1977   44-28 (24-11)

Сала: „Круме Кепески“ во Скопје. Судии: Иво Георгиевски и Игор Наумовски. Делегат: Зоран Арсенов

Мулти Есенс: Штаковски, Ерманоски, Грујевски 5, Димитриевски 3, Д. Узунчев 8, Тричковски 1, Омерагиќ 5, Велков 4, Младеновски 2, Т. Узунчев 2, Митев 4, Проданов 2, Канг 1, Карасманакис 1, Костовски 3, Георгиевски 3
Седмерци: 2/2 Исклучувања: 12 мин.

Младост 1977: Панов, Паунков, Н. Роглев 5, Чрчев 1, Прчев, Николоски 4, И. Роглев, Гогов 1, Панов, Атанасов 8, Ѓуриќ 2, Попов 4, Пеев 3, Стоилов
Седмерци: 3/4 Исклучувања: 4 мин.

РК Мулти Есенс запиша нова првенствена победа и во моментов е единствената екипа во групата „А“ од Првата лига која победила на сите натпревари. РК Мулти Есенс во дербито на колото беше домаќин на РК Младост 1977, екипа што исто како и РК Мулти Есенс, досега имаше запишано победа на сите одиграни натпревари.

Одличната транзиција која главно завршуваше со ефектни погодоци од надворешните позиции, снаодлливата одбрана која овозможуваше да се тргне во брз напад беше многу силно оружје на РК Мулти Есенс. По само пет минути беше 5-0. Во ист брз ритам се играше и понатаму, разликата се зголеми на 9-1, а пред истекот на 13 минута резултатот веќе беше двоцифрен (12-2).

Во продолжението на натпреварот, РК Мулти Есенс немаше поголеми потешкотии во одржувањето на разликата која до крајот на полувремето остана двоцифрена, а во финишот на првиот дел со уште една серија од 5-2 стигна до конечните плус 13 по 30 минути игра.

Во вториот дел резултатски беше поизрамнето, но дистанцата за цело време беше меѓу 12-14 гола. Тренерот Бранко Ангеловски им даде шанса на сите играчи да настапат и сите убаво ја искористија. Единствените кои не се запишаа во листата на стрелци се голманите.
На крајот, како и во првиот дел, со уште еден налет и серија од 4-1 беше постигнат конечниот резултат 44-28.

РК МАКЕДОНИЈА ЃОРЧЕ ПЕТРОВ – РК МУЛТИ ЕСЕНС  25-26 (13-15)

Сала: Гимназија „Кочо Рацин“ во Ѓорче Петров, Скопје. Судии: Ѓорги Василевски и Блаже Михајлов. Контролор: Митко Ѓорѓиевски

РК Македонија Ѓорче Петров: Огнановски, Трајановски, Диздаревиќ, Ролевски 6, Ѓорѓиевски 3, Ѓиноски 3, Трифуновски, Јаневски, Неделковски 2, Шумоски, Апостоловски 4, Тошески, Димовски 4, Стојановски, Марковски 1, Нелоски 2
Седмерци: 2/2 Исклучувања: 4 мин.

РК Мулти Есенс: Штаковски, Ермоноски, Грујевски 1, Димитриевски 1, Д. Узунчев 4, Тричковски, Омерагиќ 2, Велков, Младеновски, Т. Узунчев 5, Митев 7, Проданов 1, Канг, Карасманакис 1, Костовски 5, Георгиевски
Седмерци: 3/3 Исклучувања: 4 мин. 

РК Мулти Есенс ја запиша својата трета победа, од исто толку одиграни натпревари. На дуелот со екипата на РК Македонија Ѓорче Петров, меч што беше дерби на колото, РК Мулти Есенс како гостин запиша минимален триумф 26-25 (15-13). 

Натпреварот го оправда епитетот дерби во сите сегменти, особено во резултатската неизвесност и драматичност. Нашиот тим имаше подобро отворање на натпреварот и водство од 7-4, но неколку грешки го вратија во игра противникот, кој успеа да израмни на 8-8.
РК Мулти Есенс во ниту еден момент не го предаде водството, напротив веднаш се врати на плус два (10-8) и во игра гол за гол по првите 30 минути имаше водство од 15-13.

Во второто полувреме, РК Мулти Есенс стигна и до позитива од три гола (18-15). Со добра одбрана и прецизни шутеви од надворешната линија  успешно ја одржуваше дистанцата речиси до крајот на натпреварот. Домашниот состав во еден момент се закани, намали на 20-21 и 22-23, но РК Мулти Есенс брзо ја врати контролата и во финишот поведе со 26-23.

Драматично беше во последните минути. Домашниот состав успеа да намали на 25-26 и имаше и два напада за израмнување. Одбраната на нашиот тим беше на висина на задачата, успешно ги затвори приодите кон голот, па во првиот обид изнуди техничка грешка, а во вториот на противникот му остана само уште шут од слободен удар што заврши над гредата. 

Со оваа победа, РК Мулти Есенс го задржи 100 настотното остварување и со девет освоени бода се врати на врвот на табелата.

ВАРДАР (Н) – АЛКАЛОИД   25-39 (8-16)
Сала: „Св. Кирил и Методиј“ во Неготино. Судии: Виктор Андонов и Стојанче Јовановски. Делегат: Марјан Огњановски. 

РК Вардар Неготино: Ангелов, Ацев 2, Михајловиќ 4, Ташев 6, Кузманов 3, Орешков 2, Петрески, Стоилковски, Митевски 1, Емини, Петров 1, Кочаров 1, Пеовски 5, Јовановски
Седмерци: 2/2 Исклучувања: 14 мин.

РК Алкалоид: Трајковски, Галевски, Димевски 1, Стојков 2, Младеновиќ, Серафимов 6, Илиески 3, Стојковиќ 6, Митев 3, Ѓоргиев 2, Иваноски 5, Симоноски 6, Омерагиќ, Тодески 1, Кофилоски, Петковски 4
Седмерци: 5/6 Исклучувања: 18 мин.

РК Алкалоид ја забележа петтата првенствена победа. Вечерва во Неготино, нашиот тим запиша висок триумф над домашниот состав, РК Вардар Неготино.
РК Алкалоид имаше целосна резултатска контрола уште од воведните минути на средбата. По нецели 10 минути водевме 6-0, потоа имавме водство од 8-2, а разликата од шест гола се одржа до крајот на првиот дел кој заврши со резултат (16-8).
На почетокот на второто полувреме со серија од 7-0 стигнавме до водство од 23-12 и до крајот рутинирано го приведовме овој меч до крајот.
Тројца наши ракометари, Мартин Серафимов, Кристијан Симоноски и Марко Стојковиќ беа стрелци на по шест гола со што беа и беа најефикасни во нашиот состав, воедно и на натпреварот.

РК АЛКАЛОИД – РК СТРУГА   36-29 (17-13)
Сала: Борис Трајковски во Скопје. Судии. Исмаил Металари и Ненад Николовски. Делегат: Драган Начевски.

РК Алкалоид: Трајковски, Галевски, Димевски 1, Маркоски 1, Стојков 4, Младеновиќ 2, Серафимов 9, Стојковиќ 3, Митев 2, Ѓоргиев 2, Иваноски 1, Симоноски 4, Омерагиќ, Тодески, Кофилоски 5, Тодески 2
Седмерци: 2/3 Исклучувања: 6 мин.

РК Струга: Тутенкоски, Маркоски 5, Савески 1, Блажески 2, Лазаревиќ, Јанкуловски, Ферукоски 3, Дуноски, Ашталкоски, Ѓуровиќ 5, Стрезоски, Маркоски 2, Костоски 3, Цветаноски 8, Рикановиќ, Нацев 
Седмерци: – Исклучувања: 14 мин.

РК Алкалоид ја запиша четвртата првенствена победа од вкупно пет одиграни натпревари со што направи уште еден чекор напред кон пласманот во суперлигашкиот плејоф.
Во натпревар од петтото коло ни гостуваше екипата на РК Струга, тим што се вбројува меѓу кандидатите за место во Плеј оф. 

РК Алкалоид многу подобро го отвори натпреварот. Игравме одлична одбрана што овозможи да се постигнуваат голови од контра напад и по пет минути игра веќе имавме водство од 5-1. Обидите на гостите да се вратат резултатски во игра немаа преголем ефект. Разликата остана, имавме водство од 8-4, 10-5, а на полувреме беше 17-13.

На почетокот на вториот дел, одново одбраната беше на висина, а брзата игра и транзицијата овозможија нова серија од 5-1 и водство од 22-14. Потоа се воспостави рамнотежа, а на десетина минути до крајот, РК Алкалоид поведе и со 10 гола разлика (34-24). 
Во последните минути од натпреварот, струшката екипа успеа да го ублажи поразот и да намали на конечни 36-29.