Вести

РК МЕТАЛУРГ РА – РК МУЛТИ ЕСЕНС 25-30 (11-13)
Сала: „Автокоманда“ во Скопје. Судии: Ѓорѓи Василевски и Блаже Михајлов. Делегат: Митко Ѓоргиевски
РК МЕТАЛУРГ РА: Ангеловски, Божиновски 3, Георгиевски 2, Јанкуловски, Филиповски 3, Аксентиев, Пановски 1, Ристовски 1, Стојчевски, Ивчески, Гилев 2, Наумовски 13

Седмерци: 6/7 Исклучувања: 8 мин.
РК МУЛТИ ЕСЕНС: Штаковски, Димевски 3, Грујевски 1, Димитриевски, Д. Узунчев 4, Тричковски 7, Омерагиќ 3, Велков, Ерманоски, Младеновски 1, Т. Узунчев 1, Продановски 4, Јорданов 4, Карасманакис, Костовски 2, Георгиевски
Седмерци: 4/4 Исклучувања: 12 мин.

Екипата на РК Мулти Есенс го совлада тимот на РК Металург РА како гостин (30-25) и ја запиша својата 15 плејоф-победа од исто толку одиграни плејоф натпревари.

Со овој триумф нашиот тим на три кола до крајот изгради недостижна предност пред ривалите и го освои првото место во првенството кое носи и директен пласман во повисок ранг, односно во Суперлигата во следната сезона!
За одбележување е што нашиот тим немаше пораз не само во плејоф разигрувањето, туку и низ текот на целата сезона и вкупниот број на победи е 23 од 23 одиграни натпревари.

По завршувањето на натпреварот, генералниот секретар на Ракометната федерација на Македонија, Филип Милошевски на нашите играчи им ги врачи златните медали и шампионскиот пехар за освоеното прво место во Првата лига!