Месец: м.г

Вести

Кадетите играа во чест на Марко Божиновски

18/6/2022

На отвореното игралиште во Спортскиот центар „Марко Божиновски“ во Скопје се одржа првиот Меморијален турнир „Марко Божиновски“, на кој учествуваа осум екипи од Македонија и од странство.

Турнирот се играше во кадетска конкуренција, а учесник беше и нашиот состав. Од Македонија учествуваа уште и екипите на РК Еурофарм Пелистер, РК Вардар 1961, на РК Тинекс Пролет, РК Бутел Скопје и на РК Голден Арт. Гости од странство беа екипите на РК Нексе од Хрватска и на РК Војводина од Србија.

РК Алкалоид одигра пет натпревари на турнирот и на крајот го освои петтото место. Победник е екипата на РК Нексе. Хрватскиот тим во финалето беше подобар од екипата на РК Војводина (37 : 33). 

Вести

РК Алкалоид е младински шампион на Македонија!

05/6/2022

Младинската екипа на РК Алкалоид е новиот државен шампион на Македонија! Нашиот тим учествуваше на Ф4-турнирот што се одржа во Салата „Антон Димитров“ во Скопје. 
Во полуфиналето на Ф4 игравме против екипата на РК Прилеп и запишавме победа од 27 : 23. На другиот полуфинален меч РК Бутел Скопје го совлада тимот на РК Еурофарм Пелистер 2 (28 : 24).

Во финалето на турнирот нашиот тим, по голема борба и на меч со драматична завршница, беше подобар од РК Бутел Скопје и славеше победа од 23 : 22 (12 : 10), со што својата прва сезона ја круниса со шампионски пехар.

Нашиот младински тим победи на сите натпревари во шампионатот. Во групната фаза од натпреварувањето, во конкуренција на екипите на РК Вардар 1961, РК Пролет и на РК Скопје 2020, запишавме шест победи на исто толку одиграни натпревари.